Најдобриот стрелец во досегашниот дел од ПМФЛ шампионатот, членот на Академија Пандев, Мартин Мирчевски е нов член на тимот на ТСЦ Бачка Топола од Србија.
Еден од најамбициозните прволигаши кај нашиот северен сосед, го купува Мирчевски и се засилува со во моментов најдоброто од нашиот домашен шампионат.
Мирчевски имаше извонредна есен во дресот на Академија Пандев и постигна 16 голови во шампионатот. Тој е поранешен младински репрезентативец на Македонија и член на Пелистер, Победа, Вардар, Беласица, а има досега само едно интернационално искуство, во тимот на Трепча од Косово.
