Јувентус успеа да го купи српскиот голгетер Душан Влаховиќ од Фиорентина, но торинскиот клуб не застанува со промените во своите редови. Пред истекот на трансферниот преоден рок „црно-белите“ ќе направат уште една зделка.
Веќе се согласија да ги пуштат Кулушевски и Бентакур во Тотенхем. За Бентакур „спарс“ ќе платат 15 милиони фунти плус 4 милиони во вид на бонуси. Кулушевски оди како позајмен во лондонскиот премиер лигаш, а во Торино доаѓа нов фудбалер.
Се работи за 25-годишниот швајцарски репрезентативец Денис Закарија. „Газета дело Спорт“ открива дека Јувентус ќе плати 5 милиони евра за да го откупи неговиот договор од Борусија Менхенгладбах. Играчот од средниот ред ќе потпише 4,5 годишен договор вреден 3 милиони евра по сезона.
Закарија претходно играше за Јанг Бојс, а за Швајцарија има 40 настапи.
