Работнички ги комплетираше зимските подготовки во Анталија. Фудбалерите на стратегот Борче Христов одработија 12 дена во турскиот туристички центар, одиграа три пријателски натпревари и се враќаат во Скопје, каде ќе следи глазура на формата пред почетокот на пролетниот дел од првенството.
Работнички на подготовките во Анталија ги победи украинскиот прволигаш Лвов (1-0) и рускиот второлигаш Факел (3-0), а загуби од полскиот прволигаш Краковија (0-1).
Последниот пријателски натпревар е закажан за в сабота (13 часот) против второлигашот Кожув во Гевгелија.
