Иако експедицијата на Струга Трим Лум требаше денеска да се врати од десетдневните подготовки во Драч, сепак челниците на клубот одлучија екипата и стручниот штаб да останат во Албанија до петок.
„Сметам дека тоа е добар потег. Овде во Драч навистина имаме одлични услови за работа, временски услови се идеални и до петок ќе се обидеме да одработиме она што планирано. Утре се приклучува и Томе Китановски кој досега не беше со нас поради здравствени проблеми. Одигравме неколку натпревари, од тоа што го видов јас сум задоволен. До петок ќе одиграме уште два“ изјави за „Спортмедиа“ стратегот на струшкиот прволигаш Срѓан Захариевски.
