По шест и пол години во Лондон, некогаш еден од најдобрите млади фудбалери во Премиерлигата, Деле Али, го напушти Тотенхем. Синоќа по полноќ, од лондонскиот клуб ја потврдија веста за негово заминување и трансфер на „Гудисон Парк“ како едно од новите имиња во ерата на Френк Лампард на кормилото на ливерпулските „сини“.
Деле Али се пресели кај „карамелите“ со договор на 2,5 години. За неговиот трансфер Евертон нема да плати ништо, иако тој имаше договор со Тотенхем до 2024 година. Сепак, лондончани направија договор со Евертон во кој има неколку добри клаузули. Првата, која на Спарс ќе им донесе 10 милиони фунти ако Али во наредните 2,5 години одигра 20 натпревари за тимот, а потоа уште неколку клаузули според кои на контото на Тотенхем можат да се слеат дополнителни 30 милиони фунти.
✍️ | We have completed the signing of midfielder Dele Alli from Tottenham Hotspur on a two-and-a-half-year contract until the end of June 2024.
Welcome to #EFC, Dele! 🔵
— Everton (@Everton) February 1, 2022
