Поранешниот англиски репрезентативец Џермејн Дефо во последниот ден за зимски трансфери потпиша со еден од своите поранешни клубови, Сандерленд.
39-годишниот напаѓач ќе се обиде да му помогне на тимот да избори промоција во Чемпионшип. Дефо беше слободен агент по заминувањето од Ренџерс и чекаше добра понуда. Ветеранот играше за Сандерленд во периодот од 2015 до 2017 година и во тој период постигна вкупно 34 гола во Премиер лигата.
Во својата кариера, Дефо беше дел и од Вест Хем, Бурнемаут, Тотенхем, Портсмут и канадски Торонто.
По 29 кола во англиската Лига 1, Сандерленд е на третото место и има реални шанси да се врати во Чемпионшип лигата.
