Некогашниот уругвајски репрезентативец Густаво Појет е именуван за нов селектор на фудбалската репрезентација на Грција. Појет е поранешен тренер на Бордо, англиските Брајтон и Сандерленд, а работеше и во АЕК од Атина, а последен клуб му беше Универзитат Католика од Чиле. Уругваецот е посочен како наследник на холандскиот тренер Јон ван Шип кој си замина од кормилото во ноември. Од Појет се бара да ја зајакне репрезентацијата и да ја однесе на ЕП 2024 година.
Појет може да се пофали со освојување на третата англиска лига со Брајтон и промоција во Чемпионшип во 2011 година како и трофејот од Суперкупот на Чиле во 2020 година. Во 2011 беше прогласен за тренер на годината во англиската Лига 1.
