Дардан Дехари не само што ќе биде знаменосец на свеченото отворање на ЗОИ во Пекинг, кое започнува во 13 часот, туку ќе биде и единствен спортист кој ќе биде дел од нашата делегација на овој спектакл на „Птичјото гнездо“.
Имено утринава информација од Пекинг е дека и Ставре Јада како и Ана Цветановска ќе бидат во во Олимпиското село поради контакт со лице кое било позитивно на Ковид-19. Тие не биле во карантин, но нема да бидат дел од дефилето.
Инаку првично Дехари и Цветановска требаше да бидат знаменосци. Потоа требаше само Дехари да биде знаменосец а Јада дел од дефилето, но сега останува само Дехари да биде знаменосец и единствен спортист во нашата делегација на свеченото отворање.
