Њукасл имаше неколку обиди да донесе некоја голема ѕвезда, но не успеа во тоа. И покрај многуте пари што ги имаат, сепак, позицијата на табелата ги натера поголемиот дел од фудбалерите да го одбијат овој клуб од северот на Англија. Но еден од оние кој прифати беше Бруно Гимараеш кој дојде од Лион за околу 40 милиони евра.
Бразилецот зборуваше како го убедиле да дојде на „Сент Џејмс Парк“ и да го одбие Арсенал. Причината е амбициозниот план на сопствениците Њукасл да се претвори во гигант и да ја освои Лигата на шампионите.
„Сопствениците беа искрени со мене. Се двоумев дали да ја прифатам понудата, на крајот одлучив да одам во Њукасл. Главната цел во моментот е да опстанеме, а во наредните сезони ќе се бориме за влез во ЛШ и не само тоа, туку да го освоиме трофејот“, изјави Бруно.
ТОј откри дека пред да каже „да“ на Њукасл, се посоветувал со сонародниците Тијаго Силва, Габриел Жесус и Алекс Телеш кои имаат искуство на англиските терени.
„Тие ми раскажаа колку им е тешко на тимовите да гостуваат во Њукасл. Клубот има фантастични фанови. Одлучив да одам таму. Со сигурност тврдам дека ќе прераснеме во голем клуб. Њукасл е клуб со убава историја и огромна традиција. Големи фудбалери го носеле овој дрес“, додаде бразилскиот играч.
