Канадскиот сноубордер Макс Паро го освои златниот медал на Зимските олимписки игри во Пекинг во дисциплината слоуп-стајл. Паро, кој пред четири години беше олимписки вицешампион, славеше благодарение на второто возење во кое освои 90,96 поени.
Интересно е што десет месеци по Игрите во Пјонгчанг нему му беше дијагностициран Хочкинов лимфом, но по шест месеци хемотерапија постепено се врати на тренинзи и настапи, а денес успеа да го освои златото благодарение на речиси совршеното возење во финалето.
Кинезот Јуминг Су освои сребро, додека Канаѓанецот Марк МекМорис со бронзен медал. Бранителот на олимписката титула, Американецот Редмон Џерард заврши како четврти.
