Хрватски Хајдук синоќа објави дека една од легендите на клубот, Никола Калиниќ, се враќа на „Пољуд“ по повеќе од 12 години. Ова е одлична вест за навивачите на Хајдук, за која многу се пишуваше последните недели.
Калиниќ го напушти „Пољуд“ во 2009 година со тогаш рекорден трансфер во англиски Блекбурн. Во својата богата кариера настапуваше за украинскиот Днипро, потоа за италијанските прволигаши Фиорентина, Милан и Рома и за шпанскиот Атлетико Мадрид. Од 2020 година е дел од Верона.
