Поранешниот стратег на Тотенхем Тим Шервуд се мајтапеше со новите засилувања на „спарс“ Дејан Кулушевски и Родриго Бентакур. И двајцата дојдоа во зимскиот преоден рок, а Тотенхем во нив полага големи надежи. На натпреварот со Саутемптон, Кулушевски и Бентакур влегоа во игра во моменти кога Тотенхем водеше со 2:1, а на крајот гостите славеа со 3:2.
„Што да кажам, Саутемптон беше многу подобар. Видете ги само ударите на голот, Саутемптон имаше 23, а Тотенхем само осум. Менаџерот Антонио Конте мора да биде поупорен и построг. Не може да се потпрете на тоа дека ќе ја забавите играта и ќе победите. Тој се уште ги учи играчите, а си донесе и свои, Кулушевски и Бентакур, а тие навистина донесоа промена на овој натпревар – влегоа во игра и Тотенхем загуби“, вели Шервуд за „Мирор“.
