Актуелниот шампион на Бундес лигата Баерн Минхен претрпе висок пораз на гостувањето кај Бохум. Чуден натпревар се одигра на „Рурштадиум“ затоа што Баерн поведе, а потоа до крајот на првиот дел прими дури четири гола.
Бохум ја запиша првата победа по 18 години против Баерн Минхен.
Левандовски во 9.тата минута го доведе Баерн во водство, а потоа Бохум четири пати ја затресе мрежата на Улрих. Антви-Аџеи изедначи, па потоа погодуваа Локадија, Гамбоа и Холтман.
Бохум имаше предност од 4:1 пред стартот на вториот дел, а Баерн се најде пред тешка задача да се извлече од овој срам. Не успеа. Левандовски погоди во 75. минута и тоа беше тоа.
Баерн претрпе пораз од 4:2 но, сепак, е прв на табелата со 52 бода по 22. кола. Бохум е на 11. место.
На другите мечеви Менхенгладбах-Аугзбург 3:2, Ајнтрахт-Волфзбург 0:2, Фрајбург-Мајнц 1:1, Гројтер Фурт – Херта 2:1.
