Со мечот помеѓу екипите на Брегалница и Ренова кој денеска се игра на Гратскиот стадион во Штип со почеток од 14:00 часот стартува пролетниот дел од Пволигашлата конкуренција во Македонија сезонава.
Со дуелот на четвртопласираниот и петтопласираниот тим на табелата, продолжува едно од најнеизвесните првенства во последните години во кое на половина ама буквално ништо не е познато, ниту пак ќе биде во годледно време. Ќе се води жестока битка како за титулата, така и за првите четири места кои водат во фудбалска Европа и за кои токму Брегалница и Ренова денеска ќе сакаат да ги освојат стартните бодови.
За Брегалница секако официјално деби ќе има новиот тренер Илчо Ѓоргиоски кој зимава го презема клубот од Мане Секуловски.
