Фудбалерите на Ливерпул славеа со 2:0 на гостувањето кај Интер во големото дерби од осминафиналето на Лигата на шампионите. Во меч во кој гледавме добар фудбал во сите 90 минути, „црвените“ од Англија успеаја да го скршат отпорот на италијанскиот првак во последните 15 минути од средбата и со головите на Фирмино и Салах да дојдат до капитал кој може дури и да им гарантира место во четврфиналето од најсилното натпреварување.
Интер беше достоен ривал, имаше неколку одлични можности да го отвори мечот со гол при резултат 0:0, но Џеко и неговите соиграчи премногу компликуваа во завршницата на акциите.
На дуелот во Салцбург, Баерн (М) се спаси од пораз во последните моменти од регуларниот дел на мечот. Полетните домашни играчи поведоа во 21. минута со голот на Адаму, а во второто полувреме имаа уште две извонредни прилики да зголемат на 2:0. Откако не ги искористија своите шанси, Баерн успеа да направи неколку шанси за гол, за конечно Кингсли Коман да погоди во 90. минута и да им донесе на германските шампиони реми од гостувањето на „Ред Бул“ арената.
