Управниот одбор на Ракометната Федерација на Македонија денеска имаше состанок на кој беа усвоени неколку клучни предлози во насока на понатамошното функционирање на домашните шампионат, како во машка, така и во женска конкуренција.
Управниот одбор на РФМ денеска ја прифати иницијативата на клубовите за промена на системот на натпреварување, односно предлогот за проширување на Супер лигата. Па така, формирани се посебни тела, комисии, кои ќе ги разгледуваат предлозите и идеите за промена на системот на натпреврување и во младинските категории и во женската Супер лига.
Од друга страна пак годишното собрание на РФМ ќе биде одржано во месец јуни, а дотогаш односно до 15 мај ќе треба формираните тела, комисии, да достават финални верзии околу предлозите. Истите ќе се стават на гласање на собранието. Новост е и формирањето на комисијата која што ќе се бави примарно со салите која ќе има задача заедно со претставници на клубовите да создаде што подобри услови за одигрување на мечевите.
