Кошаркарите на Далас го совладаа тимот на Њу Орлеанс со 125:118, а до триумфот ги предводеше Лука Дончиќ кој постигна 49 поени. Дончиќ забележа и 15 скока и осум асистенции, а Џејлен Бренсон постигна 23 поени и беше втор стрелец во составот на Мавси.
Далас остана на петтото место во Западната конференција со 35 победи и 24 порази.
Филаделфија синоќа обезбеди вредна победа на гости против Милвоки со 123:120. До дабл-дабл кај гостите стигна Џоел Ембид со 42 поени и 14 скока, а Тобијас Харис и Тајрис Макси додадоа по 19 поени.
По дури две продолженија на гости, Мајами беше подобар од Шарлот со 111:107. Гостите до победата ги предводеше Кајл Лори со 25 поени и девет скока.
Во НБА лигата следува пауза бидејќи во Кливленд се одржува Ол-стар викендот, кој ќе заврши со натпреварот меѓу тимовите на Леброн Џејмс и Кевин Дурент, ноќта меѓу недела и понеделник.
НБА РЕЗУЛТАТИ:
Шарлот – Мајами – 107:111 (пр.)
Бруклин – Вашингтон – 103:117
Њу Орлеанс – Далас – 118:125
Милвоки – Филаделфија – 120:123
ЛА Клиперс – Хјустон – 142:111
