Норвешкиот атлетичар Јакоб Ингебригцен го собори светскиот рекорд во сала на 1.500 метри со време 3:30,60 минути. Тој истрча најдобар планетарен резултат синоќа на митингот во Левин, Франција.
Стариот рекорд од февруари 2019 година (3:31.04) го држеше Етиопјанецот Самуел Тефера, кој исто така трчаше синоќа, но заврши на второто место.
„Се надевав само на личен рекорд, но не ни сонував за нов светски рекорд“, изјави 21-годишниот Норвежанец, откако го собори својот прв светски рекорд во кариерата.
Тој досега има поставено европски рекорди на отворено на 1500 м. (3:28.32), 2000 м. (4:50.01) и 5.000 м. (12:48.45), но сега за прв пат истрча најдобро време во светот.
Ингебригтсен е олимпискиот шампион од Токио, а лани на истиот митинг го постави најдоброто европско време (3:31.80).
