Со победата на Јоханес Тинес Бо на денешната биатлонска трка на 15 километри со масовен старт, Норвешка дојде до рекордниот 15. златен медал на Зимските игри во Пекинг и стана првата земја која успеала да дојде до ова остварување.
Норвежаните пред четири години во Пјонгчанг освоија 14 златни медали, исто колку и Германија и Канада. Германците дојдоа до 14 златни медали исто на Игрите во Пјонгчанг 2018, додека Канада се закити со 14 златни медали на Игрите во Ванкувер во 2010 година.
Најмногу златни медали Норвепка освои во биатлон, вкупно има шест, четири во скијачко трчање, два во нордиска комбинација, и по едно во брзо скијање, скијачки скокови и во слободно скијање.
