Летонската тенисерка Јелена Остапенко ја освои својата петта ВТА титула откако денеска во Дубаи во финалето славеше над Кудерметова. Остапенко ја победи Русинката со 6-0, 6-4 во финалето во Дубаи, а за тоа и беа потребни само 65 минути.
За победничката на Ролан Гарос од 2017 година ова беше прв трофеј по минатогодишниот триумф на Истбурн, а на патот кон титулата во Дубаи победи дури четири гренд слем победнички: Американката Софија Кенин, Полјачката Ига Свјатек, Петра Квитова од Чешка и Романката Симона Халеп.
Благодарение на оваа титула, Остапенко по речиси четири години ќе се врати во првите 20 на ВТА ранг-листата, а во понеделник ќе ја заземе 13-та позиција.
