Големото струмичко дерби на стартот од пролетната полуетапа во домашното одбојкарско првенство кај дамите им припадна на одбојкарките на Струмица кои успеаја во четири сета со 3:1 да го совладаат есенскиот вицешампион Наковски Волеј. Во исклучително интересен меч, Наковски Волеј тргна подобро и го освои првиот сет, но потоа следуваше блесок на одбојкарките на Струмица кои се вратија со импресивна партија за конечна победа од 3:1.
Лидерот на табелата Работнички беше доминантен против Јанта Волеј КВ обезбедувајќи максимална победа, а за издвојување е и првата радост за одбојкарките на Вардар кои славеа над Фит Фан Волеј за први бодови сезонава.
ПРВА ЛИГА (Ж) – 14. КОЛО
Работнички – Јанта Волеј КВ 3:0 (25:11, 25:19, 25:15)
Вардар – Фит Фан Волеј 3:1 (24:26, 25:15, 25:19, 25:21)
Струмица – Наковски В. 3:1 (14:25, 25:17, 25:16, 25:23)
Универзитет во Тетово – Пелистер В. (понеделник)
ТАБЕЛА: 1. Работнички 40, 2. Наковски В. 34, 3. Струмица 32, 4. Јанта Волеј КВ 26, 5. Фит Фан В. 12, 6. Пелистер В. 10, 7. Универзитет во Тетово 8, 8. Вардар 3.
