По 16 дена возбудливи натпревари, на стадионот „Птичјо гнездо“ се одржа церемонијата на затворање на 24. Зимски олимписки игри во Пекинг.
Главната тема што се провлекуваше низ церемонијата на затворањето беа среќата и радоста, а тоа е сликата што домаќинот на Игрите и главниот режисер Џанг Јиму сакаше да му ја испрати на светот. На затворањето беа присутни и многу елементи од отворањето, како џиновската снегулка, а централниот дел на церемонијата беше дефиле на спортистите од сите земји учеснички на овие Олимписки игри.
„Свеченото затворање повеќе ќе биде фокусирано на олимпијците отколку на спектакуларни претстави. Олимпијадата е таму поради спортистите и сакам тие да се чувствуваат среќни за време на церемонијата. Сакам се да биде една голема забава и целиот свет да се радува на едно место, на стадионот“, изјави Џанг Јиму , главниот директор на свеченото затворање, непосредно пред почетокот.
The Italian colours light up the stadium 🇮🇹 😍
Ciao, @milanocortina26! We can’t wait for what’s to come in four years’ time. #ClosingCeremony | #MilanoCortina26 pic.twitter.com/4YMkixpPRJ
— Olympics (@Olympics) February 20, 2022
На крајот на церемонијата, олимпиското знаме беше спуштено и предадено на Италија, домаќинот на следните Зимски олимписки игри во 2026 година, а крајот на Игрите официјално го објави претседателот на Меѓународниот олимписки комитет, Томас Бах . Следните Зимски олимписки игри ќе се одржат од 6 до 22 февруари 2026 година во италијанските градови Милано и Кортина д’Ампецо.
„Вие спортистите не само што се почитувавте туку и се поддржувавте, дури и се гушкавте иако вашите земји можеби се во конфликт. Ги надминавте поделбите и покажавте дека во оваа заедница сите сме еднакви без разлика како изгледавме и од каде сме дојдени и во што веруваме. Оваа обединувачка сила на олимпискиот дух е посилна на силите што се обидуваат да не поделат. Таа сила му дава сила на мирот. Нека политичките лидери се инспирираат од вашата порака за солидарност и мир“, порача на крајот претседателот на ИОК, а по неговиот говор беше изгаснат олимпискиот оган.
For one final time at #Beijing2022, the Olympic Rings light up the Bird’s Nest. #ClosingCeremony | #StrongerTogether pic.twitter.com/e9oPZD4gZD
— Olympics (@Olympics) February 20, 2022
