Сасуоло направи уште една сензација вчера во рамките на Серија А со тоа што го совлада Интер на гостински терен. Тимот од „Мапеи“ стадионот успеа да го турне италијанскиот шампион на „Меаца“ иако се чинеше дека нема шанси да го направи тоа. Сепак, победи и стана првата екипа после 66 години која успеала во една сезона на Серија А да ги совлада во гости и Јувентус, и Милан и Интер.
Сасуоло го победи Интер со 2:0, во ноември минатата година го совлада Милан со 3:1, а во октомври славеше во Торино над Јувентус со 2:1.
Такво нешто направила Фиорентина во сезоната 1955/56.
„Зелено-црните“ имаат фантастична сезона, да потсетиме дека одиграа 2:2 со Наполи, го победија Лацио со 2:1…
Во наредните осум кола Сасуоло ќе игра против Лацио, Аталанта, Каљари, Јувентус, Наполи, Удинезе, Болоња и Милан.
