Како што дознава “Спортмедиа“, по лошата игра во Охрид и ремито во првото пролетно коло во ВМФЛ – ЗАПАД, било доста бурно во нашиот најтрофеен клуб клуб, во Вардар, во изминатите два дена.
Па така како што дознаваме, челните луѓе на клубот одлучиле да ги казнат Филип Петкоски и Трајче Стојкоски и тоа поради нарушување на кодексот на однесување. Тие биле казнети со три месеци без плата и 15 дена суспензија.
Инаку се разговарало и околу стручниот штаб на чело со Никола Глигоров. Тој засега останува шеф на струката, ја добил довербата, иако имало контакти со други тренери, па дури и странци. Сепак, Глигоров и натаму ќе го води тимот.
Вардар по 16.коло во ВМФЛ – ЗАПАД има минус 5 бодови во однос на втората Воска и дури минус12 бодови во однос на лидерот Силекс. Така да во оваа ситуација тешко дека може да се надева на враќање во елитата.
