По натпреварите во ЛШ, следуваат натпреварите во Лига Европа и во Лигата на конференциите.
Во Лига Европа се играат реванш натпреварите од 1/16 финалето. Најинтересниот се игра на „Диего Марадона“ каде Наполи ќе се соочи со Барселона. Првиот натпревар на „Ноу Камп“ заврши 1:1, вечерва е реваншот – моментот на вистината. Победникот патува во следната рунда.
Наполи предводен од Елиф Елмас ќе се обиде да дојде до првата победа над Барса во историјата и со тоа да обезбеди пласман меѓу осумте најдобри екипи во ЛЕ.
Во претходните три меѓусебни дуели два меча завршиле 1:1, а еднаш победила Барселона со 3:1. Минатата година во осминафиналето на ЛШ Барса славеше со 3:1, а во Неапол беше 1:1.
Може да се спомне и дека Барса одиграла 28 натпревари на гости кај италијански екипи и има само осум победи, а дури 12 натпревари ги завршила со реми (осум порази).
Барса доаѓа со проблеми затоа што поради повреди ги нема на располагање Балде, Депај, Фати, Роберто и Умтити. Кај Наполи неизвесни се Инсиње и Малкут.
Во Загреб Адеми и Ристовски ќе бркаат победа над Севиља. Првиот меч го загубија со 3:1, а сега ќе им треба добра игра и среќа за да го турнат „мајсторот“ за освојување на ЛЕ. Кај Динамо неизвесен е Адеми кој се повреди на последниот првенствен меч. Севиља доаѓа без Ламела, Марсијал и Сусо.
Бобан Николов со Шериф гостува во Брага. Молдавскиот шампион доаѓа со предност од 2:0 и има големи шанси да помине во следната фаза. Играчот за врска и неговиот тим имаат одлична ситуација пред гостувањето во Португалија, и треба да се случи чудо па да бидат елиминирани.
НАТПРЕВАРИ 1/16 ФИНАЛЕ (РЕВАНШИ)
21:00 ч.
БРАГА – ШЕРИФ
Прв меч: 0:2
БЕТИС – ЗЕНИТ
Прв меч: 3:2
НАПОЛИ – БАРСЕЛОНА
Прв меч: 1:1
РЕНЏЕРС – БОРУСИЈА Д.
Прв меч: 4:2
ПОЧЕТОК: 18:45 ч.
ЛАЦИО – ПОРТО
Прв меч: 1:2
ДИНАМО – СЕВИЉА
Прв меч: 1:3
ОЛИМПИЈАКОС – АТАЛАНТА
Прв меч: 1:2
СОСИЕДАД – РБ ЛАЈПЦИГ
Прв меч: 2:2
