Иако се најавуваше разделба, се чини дека после последните одлични игри на Френки де Јонг во дресот на Барселона, Холанѓанецот уште долго ќе го носи дресот на каталонскиот гигант.
Синоќа во меч од Лигата на Европа, Холанѓанецот беше феноменален на гостувањето кај Наполи, постигна ефектен гол и му помогна на својот клуб да се пласира во 1/8 финалето во ова натпреварување.
За играта на својот играч комплименти не штедеше ниту Чави Ернандез.
“Од меч во меч е се подобар и подобар. Покажува постојан напредок, постојано се развива како играч. Френки де Јонг е генијалец“ посочи стратегот на Барса.
