Нови три бода за Барселона и продолжување на серијата без пораз во Ла Лига. Вечерва „каталонците“ на свој терен ја совладаа екипата на Атлетик Билбао со 4:0 и се искачија на четвртото место на табелата. Сега имаат 12 победи и 45 бода, еден помалку од третиот Бетис.
Чави добро го мотивирал тимот кој во последните неколку кола игра одлично, а по победите над Атлетико Мадрид (4:2), потоа и над Валенсија (4:1), потоа онаа висока победа над Наполи на реваншот во ЛЕ (4:2) вечерва е совладан Атлетик со убедлив резултат.
Обамејанг го отвори резултатот во 37. минута, а резултатот не се менуваше се до 73. минута. Тогаш Осман Дембеле зголеми на 2:0 за во 90. минута Лук де Јонг да даде гол за 3:0. Четири минути во судиското продолжение Депај погоди за конечни 4:0.
Интересно, критикуваниот Дембеле освен гол асистираше за двата последни гола.
