Спартак Москва може да биде исклучен од плејофот во Лига Европа. Веста ја објави германскиот весник „Билд“ повикувајќи се на извори во германскиот бундеслигаш Лајпциг кој е противник на московјани во оваа рунда.
Претходно, УЕФА одлучи руските и украинските клубови и тимови домашните натпревари на евро-турнирите да ги играат на неутрален терен. Според најавата од Москва, Спартак предложил со Германците да игра во Баку.
Сепак, „Билд“ тврди дека натпреварите закажани за 10 и 17 март нема да се одиграат. Тоа значи дека избраниците на тренерот Доменико Тедеско автоматски ќе се пласираат во четвртфиналето на турнирот.
„Ние сме во близок контакт со фудбалските сојузи и имаме целосна доверба во УЕФА и нивната одлука. Очекуваме средбите да бидат откажани“, рекол генералниот директор на Лајпциг, Оливер Минцлаф.
