Како што пишуваат повеќето американски медиуми, Лос Анџелес Лејкерс се ослободуваат од центарот ДеАндре Џордан, а како засилување до крајот на сезоната го доведуваат ДЈ Аугустин од Хјустон.
На почетокот на оваа сезона, клубот од Лос Анџелес го доведе 33-годишниот Џордан, кој за Лејкерси во просек имаше 4,1 поен и 5,4 скока во 32 настапи. Џордан дури и не играше во последно време, па Лејкерси решија да го отпуштат и наместо тоа да доведат резерва за Расел Вестбрук.
Станува збор за една година постариот, 34-годишниот ДЈ Аугустин, кој оваа сезона во дресот на многу слабиот Хјустон до почетокот на февруари постигна 5,4 поени и 2,2 асистенции по натпревар.
ДеАндре Џордан не би требало долго да биде надвор од теренитет, бидејќи веќе се јавија од Филаделфија, која бара сигурна замена за нивната прва ѕвезда Џоел Ембид.
