Шпанскиот шампион Атлетико Мадрид на крајот на сезоната ќе се раздели со мексиканскиот играч од средниот ред Ектор Ерера. Неговиот договор нема да биде продолжен, а тој вече си најде нов клуб со што по завршување на сезоната заминува од Мадрид и ќе игра во МЛС лигата.
Неговиот нов клуб е Хјустон дајнамо со кого ќе потпише договор до 2025 година.
Ерера ја почна кариерата во мексиканска Пачука, а во 2013 година дојде во Порто. Во португалскиот клуб играше шест сезони и еднаш ја освои титулата во Португалија, а потоа се пресели во Атлетико Мадрид со кого славеше шампионски трофеј минатата сезона.
За разлика од престојот во Порто, Ерера во дресот на Атлетико за три сезони не постигна ниту еден гол. Сезонава одигра 15 натпревари во Ла Лига.
