Српската кошаркарска атракција во НБА лигата, Никола Јокиќ има намера да го продолжи актуелниот договор со сегашниот тим, Денвер Нагетс.
Според агентот на Јокиќ, Мишко Ражнатовиќ, играчот ќе потпише нов максимален договор веднаш по завршувањето на сезоната 2021/22.
Според најавата, центарот ќе може да заработи 258 милиони долари за пет години, почнувајќи од сезоната 2023/2024. Оваа сума ќе биде рекорд во историјата на НБА.
Јокиќ е актуелен носител на наградата МВП на лигата, а сезонава со просечни 25,5 поени, 13,8 скока и 8 асистенции по натпревар повторно е „алфа и омега“ за Нагетс.
