Ѕвездата на ЛА Лејкерс, Леброн Џејмс, призна дека градскиот ривал ЛА Клиперс оваа сезона е подобар од нив. Синоќа Клипер славеа со 132-111 во градската пресметка од регуларниот дел од сезоната.
„Клиперси се подобри од нас оваа сезона“, призна Џејмс.
Според 37-годишниот напаѓач, клучна за последниот пораз била третата четвртина во која Лејкерси загубија со резултат 18:40.
„Во текот на сезоната често имавме проблеми во една четвртина. Убиец за нас беше втората четвртина. Но, денес тоа беше третата“, изјави Џејмс.
Лејкерси имаат седум порази во последните осум натпревари.
