Лидерот во шпанската Ла Лига, Реал (М) со пресврт славеше над Реал Сосиедад со 4:1 во дербито на 27. коло. Вечерва на „Бернабеу“, Баскијците први поведоа со голот на Ојарзабал во 10. минута од пенал, по што до крајот на полувремето „кралевите“ одговорија со два неверојатни погодока за комплетен пресврт.
Најпрво Камавинга со еден проектил од далечина во 40. минута израмни на 1:1, а само три минути подоцна „бомба“ во горниот десен агол на голот на гостите испрати и Модриќ.
Во вториот дел Реал (М) беше многу подобар на теренот, па со головите на Бензема од пенал (76.) и на Асенсио (79.) само ја комплетираше големата победа.
Standings provided by SofaScore LiveScore
