Тимот на Ливерпул вчера успеа да слави над Вест Хем со минимални 1:0 и на тој начин да ја оствари целта која што ја имаше зацртано. Да победи на уште еден меч на кој што реално е фаворит, иако играта и настапот не беше еден од најдобрите за момците на Јирген Клоп.
„Не знам дали ќе го паметиме овој натпревар, но може да биде доста важен. Знаеме колку е силен Вест Хем. Не им дадовме многу можности во првото полувреме, но второто полувреме беше многу поотворено. Важно беше да ја задржиме победата и успеавме.Моравме да се браниме силно и тоа и го сторивме. Имавме доза на среќа , но не можеме да победиме толку многу натпревари без противникот тотално да биде неутрализиран. Тоа не е можно. Од друга страна, апсолутно сум задоволен од резултатот. Знам дека можевме да одиграме многу подобро, но најважно е што победивме сериозен противник. Не случајно се толку високо на табелата, се борат за Европа“ – изјави Клоп.