Некогашниот велшки фудбалер Рајан Гигс беше дел од Манчестер Јунајтед со кого освои се што можеше да се освои. Дресот на „Ѓаволите“ го носеше 23 сезони…
Во текот на кариерата тој се среќавал со многу ривали, а еден посебно го запамтил и го окарактеризира како најтешкиот против кого играл.
„Занети ми беше најтешкиот ривал. Секогаш трчаше. Знаеше да се брани, а имаше нозе како играч за врска. Беше и жесток во дуели. Еднаш игравме во ЛШ и ми го скрши носот. Имаше се во него и сила и енергија и брзина и лидерски способности“, изјави Велшанецот.
Занети во Интер се задржа речиси две децении, а со „нероаѕурите“ овои се што можеше да се освои.
По завршување на кариерата Занети работи како директор, додека Гигс одлучи да биде тренер.