Мартин Секељи со 15 одбрани, три од седум метри беше најкорисниот ракометар на Е.Пелистер на дуелот со АЕК Атина. Благодарение на унгарскиот голман, битолчани за кратко време во вториот дел го наметнаа своето темпо, а на крајот славеа со убедливи 30-19.
„Благодарност до гостите од Атина за убавите зборови упатени до мене и до мојот тим. Првото полувреме беше релативно тешко и нервозно, но бевме подготвени за ваков натпревар, знаевме дека ќе играат 4-2 и 5-1 во одбраната, во вториот дел се покажавме во вистинско светло. Честитки за „Чкембарите“ и за атмосферата која ја направија, беше фантазија и уживање да се игра во ваква убава атмосфера.“, изјави Секељи.
Е.Пелистер во осминафиналето ќе игра против Нексе, првата средба се игра на 28. март, а втората една недела подоцна.
