Маурисио Покетино загуби 12 од 72 меча на клупата на ПСЖ откако беше назначен за нов тренер на францускиот шампион. Тоа во проценти е 16,7% од натпреварите на кои го предводеше тимот досега.
Полош тренер од него во ерата на катарските сопственици на францускиот гигант беше само Антоан Комбоар, кој загуби на 21,4% од средбите на кои од клупата го предводеше клубот.
ПСЖ синоќа загуби од Реал Мадрид (3:1) во реваншот од 1/8-финалето на Лигата на шампионите и беше елиминиран од турнирот. Статистиката и неисполетите желби на богатите сопственици за битка за трофејот од ЛШ се добар предуслов Аргентинецот во скоро време да добие отказ.
