Вардар се спаси од голем срам. Се играше 85.минута кога резултатот со Охрид, во меч од 19. коло во ВМФЛ – ЗАПАД беше 0:0, но тогаш Вилдан Керим постигна гол за голема радост на сите во клубот, а посебно на навивачите на Арената во Скопје.
Можеме само да претпоставиме што ќе се случеше ако Вардар и овој меч не успеа да го добие.
Сепак оваа победа малку значи, ако се знае дека и Воска Спорт дома успеа да победи и тоа со 2:0 против Кораби. Емини и Илиевски беа стрелците.
Но, затоа киксираше Силекс. Кратовци дома не успеаја да победат и тоа против Беса. Бадијала теренската иницијатива и шансите, на крај Силекс остана со играч помалку.
Тетекс со 2:0 го победи тимот на Велешта, стрелци беа Елмази и Масевски.
Гостивар со 6:1 го “торпедираше“ Кадино.
РЕЗУЛТАТИ ЗА 19.КОЛО
СИЛЕКС – БЕСА 0:0
ВОСКА СПОРТ – КОРАБИ 2:0
ВАРДАР – ОХРИД 1:0
ТЕТЕКС – ВЕЛЕШТА 2:0
ГОСТИВАР – КАДИНО 6:1
ТАБЕЛА
Силекс 47, Воска 42, Вардар 37, Тетекс 28, Гостивар 25, Беса 21, Кораби 20, Охрид 19, Велешта 17, Кадино 6
