Грег Попович стана тренер со најмногу победи во историјата на НБА лигата. Синоќа, Попович во стигна до 1.336 победи во кариерата со што го престигна Дон Нелсон.
Неговиот Сан Антонио Спарс го победи Торонто Репторс со 104:102 и го постави Попович на самиот врв.
„Ова е успех на сите луѓе кои работеле со мене, не само на еден поединец. Кошарката е тимски спорт. Како тренер им кажувам на играчите што да прават, ги учам и така е цел живот со прекрасните играчи и други тренери, со поддршка на овој прекрасен град. Навивачите не поддржаа без разлика на се. Сите ние го делиме рекордот. Тој не е мој. Тој е наш“, рече Попович.
По натпреварот Дон Нелсон му честита за постигнувањето.
