Екстремно важна победа за тимот на Бетис попладнево во Ла Лига, и тоа против Атлетико Билбао со 1:0 на „Бенито Вилјамарин“. Велиме екстремно важна зошто со овие три бода тимот од Севилја и натаму е во горниот дел на табелата со шанси за излез во Лигата на Шампионите.
Стрелец на победничкиот гол беше Иглесијас во 20.минута. Да споменеме дека домашниот тим во 80.минута остана со играч помалку откако поради неспортско однесување исклучен беше Фекир.
Па така сега Бетис има 49 бодови од 28 меча и е четврти, има два помалку од третиот Атлетико Мадрид, но и еден повеќе од петтата Барса која пак има два меча помалку одиграно.
