Македонија се враќа без медал од настапите на европското првенство во борење за млади сениори до 23 години кое се одржа во Пловдив, Бугарија. И последниот наш адут, Реџеп Хајдари, не успеа да се избори за медал, откако во битката за бронзен медал загуби убедливо на поени (10:0) од грузискиот борач Когуашвили.
Претходно Македонија имаше уште три шанси да дојде до медал, но ниту еден од нашите борачи не успеа да го направи тој исчекор. Во битката за бронзениот медал Бесир Алили беше поразен од Ерменецот Харутјунјан, Фати Весели од Бугаринот Стојанов, а Столе Ефтимов ја загуби шансата за медал на пресметката со Лефтер од Молдавија.
