Во историјата на самостојна Македонија сме имале браќа кои играле за нашата репрезентација. Најславни биле секако, од првите денови на нашата репрезентација, браќата Бошко и Милко Ѓуровски. Секако дека тука биле и браќата Јовановски, Зоран и Борче. Тие играле во исто време за репрезентацијата, има уште неколку браќа но тие не биле во исто време во тимот.
Но затоа во Палермо ние ќе ја напаѓаме со два братски тандеми, Ристовски и Бабунски.
Стефан Ристовски од Динамо Загреб, е нашиот капитен, еден од најдобрите наши фудбалери веќе неколку години нанзад. Од пред кусо време него во составот му се придружи и помалиот брат Милан, кој игра за Трнава и кој веднаш докажа дека и тоа како знае да стрела и за Македонија.
Давид и Доријан Бабунски. Некогаш големи таленти на Барселона и Реал Мадрид, за првпат сега се заедно во А- репрезентацијата. Постариот Давид своите први настапи за Македониа ги имаше многу одамна, но потоа како да се загуби. Затоа помалиот Доријан со блескавите настапи во минатата есен во Бугарија си обезбеди место во А-тимот, сега заедно се во Дебрецен. И Давид почна да игра како што му доликува на еден некогашен мега – талент на нашиот фудбал, па затоа Милевски го врати во селекцијата и него.
Одиме Македонијо на победа со браќата Ристовски и Бабунски.
Два братски – тандеми…
