Светската куќа на фудбалот (ФИФА) официјално го објави претходно променетиот Правилник за статусот и трансферите на играчите, со кој украинските фудбалери можат да се пријават надвор од преодниот рок.
Овој амандман е привремен и има за цел да им помогне на украинските фудбалски клубови и играчи кои исто така ги чувствуваат огромните последици од руската инвазија на Украина.
„На украинските фудбалери може да им се дозволи да се пријават во друг клуб доколку е истечен преодниот рок во националниот сојуз на клубот каде што сакаат да ја продолжат кариерата“, соопштија од ФИФА, истакнувајќи дека истиот клуб може да донесе најмногу двајца играчи во овие нови околности.
