Меѓу бројните натпревари кои се одиграа во НБА-лигата синоќа, најнеизвесно беше на дуелот меѓу Бруклин и Далас. Гостите славеа со минимални 111-113, благодарение на Лука Дончиќ и неговата асистенција во последните секунди.
Словенецот на себе навлече двајца кошаркари од противничкиот тим, умешно го проигра Спенсер Динвиди кој со звукот на сирената погоди за голем триумф. За постетување тој го носеше дресот на Бруклин пет сезони.
Spencer Dinwiddie at the death against his old team, back-to-back game-winners. pic.twitter.com/IkrFbNioqs
— Rob Perez (@WorldWideWob) March 17, 2022
Дончиќ беше на скок и асистенција до трипл-дабл. Зад своето име запиша 37 поени, девет скока и девет асистенции. Зад него беше токму Динвиди со 22 поени.
Никола Јокиќ испиша историја во НБА-лигата. Во победата над Вашингтон на Денвер од 127-109 дојде до бројката од 10.000 поени. Српскиот центар влезе во елитното друштво, тој е вториот играч во историјата кој до 10.000 поени, 5.000 скока и 3.000 асистенции, дошол по 516 одиграни меча. Јокиќ има еден натпревар повеќе од Лери Брд, а го мина Оскар Роберстон кој имал 525 мечеви.
Средбата ја заврши со 29 поени, 13 скока и 8 асистенции, со шут од игра 10/14, 2/2 за три и 7/7 од линијата за слободни фрлања.
РЕЗУЛТАТИ
Шарлот – Атланта 116:106
Кливленд – Филаделфија 114:118
Вашингтон – Денвер 109:127
Бруклин – Далас 111:113
Њујорк – Портланд 128:98
Хјустон – Феникс 112: 129
Минесота – Лејкерс 124:104
Сан Антонио – Оклахома 122:120
Јута – Чикаго 125:110
Голден Стејт – Бостон 88:110
Сакраменто – Милвоки 126:135
Клиперс – Торонто 100:103
