Екипата на ТФТ не успеа да ја забележи првата победа во втората фаза од БИБЛ лигата откако денеска во СРЦ „Кале“ доживеа пораз од бугарски Балкан од Ботевград со 82:97.
ТФТ добро се држеше во првата четвртина, но втората доживеа потоп (19:31), па на полувреме гостите имаат предност од +14 поени. Скопскиот тим возврати со добра игра во третиот период кога ја преполови предноста на гостите, но во завршницата немаше сили за пресврт. Всушност Балкан добро ја одигра завршницата и убедливо ја доби, на крајот ги однесе бодовите.
Кај македонскиот тим Ландриус Хортон постигна 19 поени, пред Михаел Нвазубор со 14 поени и Виктор Ташовски со 12 поени.
Следниот меч на ТФТ е на 24 март на домашен терен против Макаби Хаифа.