Натпреварот од 27. коло на Бундес лигата меѓу Бохум и Менхенгладбах беше прекинат во 71. минута кога гостите водеа со 2:0. Линискиот судија беше погоден со тврд предмет (неофицијално, лименка со пиво) фрлен од трибините поради што мечот беше прекинат. Судиите заедно со играчите заминаа во соблекувалната и не се вратија на теренот. Беше соопштено дека мечот нема да се доигра.
„Некој идиот фрли нешто кон теренот и го погоди судијата во главата. Натпреварот беше прекинат. Глупаво и неодговорно однесување. Идиот, идиот, идиот… Се надеваме дека судијата е добро“, објави Бохум на Твитер.
