Синиша Михајловиќ, стратегот на Болоња, инаку некогашен селектор на Србија која во негово време играше со нашата репрезентација, деновиве за медиумите во Италија со интересен коментар. Тој не ни дава никакви шанси против Италија во полуфиналето од плеј – офот за пласман на СП во Катар на 24 март во Палермо.
„Нема да биде лесно, но Италија ќе ја победи Македонија. Домашната селекција во Палермо е фаворит, потоа селекцијата на Манчини ќе ја победи и Португалија и ќе се пласира на СП во Катар“ посочи Михајловиќ.
