СПОРТМЕДИА во Букурешт, Марија Ковачева
Иако Македонија загуби во Букурешт, сепак нема место за незадоволство. За нас најважен е пласманот во следната рунда од баражот за Светското првенство 2023 година каде што не чека двомеч со Чешка, добро познат противник за македонската ракометна репрезентација.
Попладнево во салата „Динамо“ во Букурешт имаше околу 30 наши фанови кои ја бодреа Македонија, а на крај еден од нив имаше чест да добие и селфи од нашиот репрезентативец Ненад Костески.
По мечот, истите останаа пред сала да ги поздрават ракометарите, дел успеаја да направат фотографија.
