Навистина никому во фудбалскиот свет не му јасно зошто се уште Маурицио Покетино е тренер на ПСЖ? Тоа го знаат веројатно само Ел-Келаифи и Леонардо, првите “оперативци“ на клубот од Париз. Се тргна надолу по дебаклот во Мадрид во ЛШ, следуваа и други, а денеска во дербито во Лига 1, на гости кај Монако, прескапиот тим на ПСЖ загуби со неверојатно 0:3. Да, сите мега – ѕвезди беа во тимот освен Лео Меси, но беа надиграни, натрчани од домашните, и заслужено загубија.
Да, навистина, смешки е овој ПСЖ. Ривалите си играат со него како што сакаат.
Да кажеме дека стрелци на головите за Монако беа Бен-Једер во 25.минута, Воланди зголеми на 2:0 во 68.минута, а Бен – Једер од пенал во 84.минута ги постави конечните 3:0 за тимот од кнежеството.
