Со само два порази во тековната сезона, екипата на Ал Рајан на чија клупа седи македонскиот одбојкарски стратег Жарко Ристоски стана шампион на Катар.
Ристоски го презема тимот на почетокот на сезоната, и уште во првата година од престојот на клупата на Ал Рајан успеа на тимот да му обезбеди две големи признанија. Најпрво Ал Рајан го освои Арапскиот клупски шампионат, а од вчера и официјално е нов одбојкарски првак на Катар.
Ристоски е и поранешен селектор на македонската одбојкарска репрезентација и долгогодишен репрезентативец.
